Agaasimaha Telefishinka Qaranka iyo xiriirka Warbaahinta gaarka loo leeyahayΒ ayaa dalka Tunisia uga qeyb-galay shirka Warbaahinta Jaamacadda CaraΒ oo lagu qabtay dalka Tunisia.
Shirkan oo ka dhacaya sanadkan Magaalada Xamaamaad ee Dalka Tunisiya ayaa waxaa kasoo qayb galay Agaasimeyaasha warbaahinta Dowladaha Carabta iyo Agaasimayaal ka kala socday hay’adaha madaxa bannaan ee ka jira Dalalka Carabta, Aasiya iyo Yurub.
Shirkan oo Soomaaliya uu ku Β matalaayay Agaasmaha TV-ga Qaranka Soomaaliyeed Mudane Naasir Xasan Xuseen Β oo uu Β ku wehliyay Diblomaasi Fidow Maxamuud Fiidow, ayaa si weyn loogu soo dhoweeyey madasha shirka ee sannadkaan.
Related posts
Qodobbada diiradda la saaray waxaa ka mid ahaa in la xoojiyo xiriirka warbaahinta iyo heyβadaha Β kala duwan ee halkaasi isugu yimid iyo in la joogteeyo kulammadan oo kale si horumarka iyo caqabada jira looga hadlayo, taas oo wax weyn u tari doonta warbaahinta, gaar ahaan midda Soomaaliya.
shirka inta uu socdey waxaa dhacdey doorasho ku saabsaneyd madaxa ururka Warbaahinta Jaamacadda Carabta Β iyo labadiisa ku xigeen, iyadoo madaxa ururka Β ee sannadkaan loo doortay Mudane Maxamed Cawaash oo ka socday Dowladda aan walaalaha nahay ee Kuwait.
Mudane Maxamed Cawaash oo ka tirsan wasaaradda Warfaafinta Dalka Kuwait oo waraysi siiyay Telefishinka Qaranka Soomaaliya, Β ayaa aad ugu mahad-naqay taageerada weyn ay siiyeen xubnihii ka socday Warbaahinta Soomaaliya, sidoo kalena sheegay in uu taageero u fidin doonno Warbaahnta Soomaaliya sidii ay noqdon lahayd mid awood badan oo dhan walba ka horumarsan.
Agaasimaha SNTV Naasir Xasan Xuseen oo Soomaaliya matalayey, ayaa sheegay in wax badanΒ ay ka faaβideen shirka, isla markaana warbaahinta Soomaaliyeed loo muujiyey teegeero xooggan, waxa uu tilmaamay in iskaashiga warbaahinta Carabta uu ku dhisan yahay aqoon kororsi Β iyo ka faaβideysiga Β nidaamka carsiga ah ee ay hadda ku shaqeeyaan warbaahinta caalamka.
βshirka inta uu socdey waxaa bar-bar socdey kulammo muhiim ah oo aan la qaatay agaasimeyaasha dhiggeyga ah ee ka socdey dalalka Carabta, kulammadaas, waxaan xoogga ku saaray in Warbaahinta Soomaaliya laga taageero dhinacyada aqoonta iyo Qalab, sida Telefishinka Qaranka iyo qeybaha kale ee warbaahinta dowladda, sidoo kale in la xoojiyo taageeridda kuwa gaar loo leeyahay, si Soomaalidu ay u hesho warbaahin ka saarta mugdiga, kana run sheegta horumarka dalkoodaβ ayuu yiri Naasir Xasan Xuseen agaasimaha SNTV.
Soomaaliya ayaa muddo sanado badan kaddib si toos ah u muujisay in ay dib ugu laabatay xubinnimadeedii Warbaahinta Jaamacadda Carabta oo faaβidooyin kala duwan leh, iyadoo sidoo kale Soomaaliya heyβadaheedu ay muujiyeen sida ay u koreen oo ay diyaarka ugu yihiin fulinta howlaha horumarinneed ee loo igmaday.
