Xildhibaanno ka tirsan Labada Gole ee Baarlamaanka Soomaaliya ayaa ka qeyb galay Shirweynaha Sagaalad ee Xildhibaannada dhallinyarada Adduunka oo ka furmay dalka Vietnam
Shirkaa ayaa diiradda lagu saaraya doorka dhallinyarada ee xaqiijinta u jeedooyinka horumarka waara, iyadoo la adeegsanayo Tiknoolajiyadda casriga ah, waxana halkaa Xildhibaannada ay ku soo bandhigeen horumada ay gaareen dhallinyarada iyo Arrimaha dowlad dhisidda.
Xildhibaan Cabdirisaaq Aadan Warsame, (Xusul) oo ka mid ahaa Xildhibaannada khudbadda ka jeediyay madasha ayaa sheegay in dowladda Soomaaliya ay ka go’an tahay xaqiijinta horumarka waara ee dhallinyarada.
“dowladda Soomaaliya waxaa ka go’an xaqiijinta horumarka waara ee dhallinyarada, waxa ayna ansixisay dhowr sharci oo muhiim u ah si loo gaaro horumar waara”. Ayuu yiri Xildhibaan Xusul
Xildhibaanka ayaa sidoo kale sheegay in Soomaaliya ay u baahan tahay in la gaaro himilooyinka horumarineed ee waara, iyadoo la eegayo dhibaatooyinka ay reebeen abaaraha, Faafida cudurka Karoona, isbeddelka cimilada, iyo argagixisada oo khatarta ku ah nolosha
