Eng, Nadiifo Cismaan Sii hayaha Wasiirka Wasaaradda Howlaha guud iyo dib u dhiska oo dalka Jordan uga qeyb gashay shir ay yeelanayeen Wasiirada howlaha guud ee Jaamacadda Carabta ayaa sheegtay in shirkaasi looga hadlay sidii dib u dhis loogu sameyn lahaa Wadamada ku jira ururkaasi ee dhibaatooyinka ay ka dhaceen iyo sidii dowladda Soomaaliya looga taageeri lahaa dib u dhiska dalka.
Eng, Nadiifo ayaa xustay in kulan gaar ah la qaadatay Wasiirka howlaha guud ee dalka Jordan oo ay ka wada hadleen sidii iskaashi dhinaca dib u dhiska uu u dhex mari lahaa labada dal, waxaana ay intaa ku dartay in Wasiirku uu balan qaaday in dowladda Jordan ay gacan ka geysaneyso dib u dhiska dalka.
Wasiirada Howlaha guud ee Jaamacadda Carabta oo labadii sano mar kulan yeesha ayaa waxa ay diiradda ku saaraan howlaha guud iyo dib u dhiska ka socda dalalka Jaamacadda Carabta, waxaana sanadkan si gaar ah lagaga hadlay sidii Soomaaliya looga caawin lahaa dib u dhiska.
