Soomaaliya oo lagu wareejiyay lacag magdhow ah oo wax loogu qabanayo dadka uu saameeyay abaaraha ku dhuftay dalkeenna ee ka dhashay isbadalka Cimillada.
Munaasabad lacagta magdhawda ah lagu wareejinayay Hayโadda SoDMA oo Soomaaliya wakiil uga ah barnaamijkan ceymiska la xiriira, kana timid Hayโadda nidaamka ceymiska abaaraha ee Afrika ee loo soo gaabiyo ARC ayaa waxaa ka qeybgalay wafdi ka socda Baarlamaanka JFS oo kala matalayay guddiga Maaliyadda, Guddiga Arrinaha gudaha ee Baarlamaanka Guddiga Beeraha, Danjire Jabriil Ibraahim Cabdulle Danjiraha Dowladda Soomaaliya ee dalka Kenya, Agaasimaha Guud ee Wasaaradda Maaliyadda, Madaxda Hay’adda SoDMA, Wakiilo ka socday Hayโadaha caalamiga ah START NETWORK oo shaqo wadaag la ah SoDMA, IGAD iyo xubno kale.
Related posts
Shirkan oo ah mid loogu gogol xaarayo yagleelidda qorshe lagu yareeynayo khatarta abaarta ee haatan ka jirta Soomaaliya, oo ay wadajir u soo qaban qaabiyeen Hayโadda SoDMA iyo Hayโadda ARC, isla markaana socday muddo 5 cisho ah ayaa ujeedkoodu yahay in lacagta lagu maareeyo ku dhawaad 50 kun oo qof oo ay sameeyeen abaarta ku dhufatay Dalkeenna.
Guddoomiyaha Hayโadda SoDMA Maxamuud Macalin Cabdulle ayaa sheegay in 85% wax soo saarkii dalagyada uu baaba’ay, lacagtana lagu caawin doono bulshada nugul.
Agaasimaha Guud ee Wasaaradda Maaliyadda Soomaaliya Dr Saleymaan Sheekh Cumar ayaa xusay in barnaamijkan uu wax badan ka badali doono abaarta soo noqnoqotay .
Xildhibaan Maxamed Haaruun oo ku hadlayay magaca Xildhibaannada ayaa xusay in tani ay tahay talaabo wanaagsan oo loogu gurmanayo shacabka Soomaaliyeed
Hayโadda ARC oo la aas aasay 2012kii ayaa Soomaaliya waxa ay xubin buuxdo ka noqotay sanadkii 2021ka kadib markii ay buuxiyeen shuruucdii ku biirista Hayโadda nidaamka ceymiska abaaraha ee Afrika
