Dowladda Federaalka Soomaaliya, iyada oo loo marayo Wasaaradda Batroolka iyo Khayraadka Macdanta, ayaa saxiixday Heshiis Is-afgarad (MoU) oo ku saabsan iskaashi la xiriira sahminta iyo farsamaynta macdanta muhiimka ah (critical minerals). Tallaabadan ayaa qayb ka ah istaraatiijiyadda Soomaaliya ee ku wajahan ka mid noqoshada silsiladaha caalamiga ah ee tamarta iyo macdanta istaraatiijiga ah.
Iskaashigan oo lala yeeshay mas’uuliyiinta West Virginia ayaa ujeedkiisu yahay in la xoojiyo wada-hadalka iyo iskaashiga u dhexeeya hay’adaha Soomaaliya, shirkadaha Mareykanka, iyo maalgashadayaasha caalamiga ah ee xiisaynaya horumarinta waaxda macdanta iyo warshadaha la xiriira.
Qiimeynno hordhac ah ayaa muujinaya in Soomaaliya ay leedahay fursado ku saabsan macdano istaraatiiji ah, oo ay ku jiraan rare earth elements. Iyadoo baahida caalamiga ah ay sii kordhayso, Soomaaliya waxay ka shaqaynaysaa horumarinta khayraadkeeda si masuuliyad leh iyadoo fursadaha maalgashiga ku xireysa khibradaha warshadaha caalamiga ah.
Heshiiska Is-afgaradka ma bixiyo oggolaansho soo saarid macdan mana wareejinayo xakamaynta khayraadka dabiiciga ah ee Soomaaliya, kuwaas oo si buuxda ugu hoos jira madax-bannaanida Jamhuuriyadda Federaalka Soomaaliya iyo shuruucda dalka.
Sidoo kale, Golaha Sharci-dejinta West Virginia ayaa meel mariyey qaraar taageeraya madax-bannaanida iyo midnimada dhuleed ee Soomaaliya, isla markaana dhiirrigelinaya xoojinta iskaashiga dhaqaale iyo maalgashi.
