Maareeyaha Hay’adda Duulista Rayidka ee Soomaaliya ayaa faahfaahin ka bixiyay shirka Duulimaadyada Rayidka Adduunka oo lagu qabtay magaalada Dubai ee dalka Isutagga Imaaraadka Rayidka.
Mudane Axmed Macalin Xasan Maareeyaha Hay’adda Duulista Rayidka oo la hadlay Radio Muqdisho ayaa tilmaamay in shirka uu soo bilowday 28-ka isla markaana uu maanta ku ekaa, kaasi oo looga hadlay horumarinta Duulimaadyada Rayidka.
“Shirka waxaa ka qeyb galay Madax ka socotay 21 dal oo caalamka ah, waxaana looga hadlayay sidii iskaashi buuxa ay u yeelan lahaayeen ururrada ku mideysan ICAO”.ayuu yiri Maareeyaha Hay’adda Duulista Rayidka.
Shirka waxaa Soomaaliya uga qeyb galay Wafdi uu hogaaminayo Wasiirka Duulista Hawada mudane Duraan Axmed Faarax, Agaasimaha Guud ee Wasaaradda Gaadiidka mudane Cali Gacal Gaabow iyo Maareeyaha Hay’adda Duulista Rayidka Soomaaliya Mudane Axmed Macalin Xasan kaasi oo ku soo idlaaday jawi is afgarasho leh.
