Xukuumadda dalka Sri Labca ayaa si ku meel gaar ah u joojisay isticlaamka qeybo ka mid ah Baraha Bulshada,gaar ahaan hannaanka farriin diridda ee Faceboogga iyoย WhatsApp-ka,ka dib kolkii Barahaasi lagu soo bandhigay shaqaaqooyin looga horjeedo muslimiinta oo ka dhacay dhowr magaalo oo ka tirsan dalkaasi.
Xayiraadda la saaray mar kale Baraha Bulshada waa tallaabo ku meel gaar ah oo la doonayo in lagu xasiliyo dalka,isla markaana looga fogaado xasilooni darada sidaasi waxaa yiri madax u hadashay warbaahinta dowladda ee Sri Lanca.
Tallaabadaan ayaa timid ka dib markii kooxo diimeed Kirishtaan ah ay dhagxan ku tureen Masaajidyo iyo goobo ganacsi oo ay lahaayeen dad muslimiin ah oo ku sugnaa magaalada dhacda Woqooyi galbeed ee Chilaw halkaasi oo ay ku badan yihiin dadka Kirishtaanka ah.
Madaxda dalkaasi ayaa sheegay in xabsiga la dhigay Abdul Hameed oo ย 38-sano jir ah,kaas oo lagu eedeeyay in uu Baraha Bulshada dhigay shaqaaqooyin looga horjedo dadka muslimiinta ah.
Tan iyo markii ay dhaceen qaraxyadii lala beegsaday Kiniisado iyo hoteello ku yiillay dalka Sri Lanca waxaa kordhay naceybka loo qabo muslimiinta ku nool dalkaasi.
