War ka soobaxay Xukuumadda Riyadh ayaa lagu sheegay in uu geeriyooday Wariye Jamal Khashoggi oo ahaa suxufi u dhashey Sucuudiga,kaasi oo maalmahan la baadi goobayay kadib markii la wayaay muuqaalkiisa,xili uu galayay Qunsuliyadda SUcuudigu uu ku leeyahay Istanbul.
Xeer-ilaaliyaha guud ee Dalka Sucuudiga ayaa war uu soo saaray ku sheegay in baaritaan dheeraad ah kadib la ogaaday in suxufigaasi uu ku dhintay Qunsuliyadda kadib markii halkaasi uu dagaal ku dhexmaray isaga iyo dad qunsuliyadda ka shaqeeya.
Talaabadaasi ayaa sababtay in xilkii laga qaado ku-xigeenka sirddoonka Axmed Al-Caasiri iyo la taliyaha arrimaha sharciga boqortooyada Sacuud Al Qaxdhaani kadib markii ay iska fogeeyeen in ay wax lug ah ku leeyihiin falka lagu dilay saxafiga Jamaal.
Dhanka kale Donald Jey Trump madaxweynaha Mareykanka ayaa cadeeyey in aan la aqbali Karin arrintaasi,Mr Trump ayaa sidoo kale xusay in Sucuudiga uu yahay saabiib dhow,hase ahaatee la isla xisaabtamayo.
Hoggaamiyaasha Turkiga iyo Sucuudiga ayaa khadka telfoonak ku wada hadlay,ayna kawada hadleen sidii dib u habeyn loogu sameyn lahaa laamaha sirdoonka Sucuudiga.
Talaabadan Sucuudiga uu ku dhawaaqey ayaa waxaa ka caawiyay hay’adaha Sirdoonka Dalka Turkiga,kuwaasi oo maal mahan oo waday baaritaan ku aadan sidii arrintaasi loogu gun gaari lahaa,inkastoo weli baaritanka uu socdo.
