Kulankan oo ay isku soo duween ururka waalidiinta iyo macalimiinta Soomaaliyeed ayaa looga dooday doorka waalidka iyo badbaadada ubadka Soomaaliyeed, si looga gudbo wel-welika waalidiin badan ay ka qabaan mustaqbalka caruurtooda, waxaana kulankan ka soo qeybgalay qeybaha kala duwan ee bulshada kuwaas oo si qalbi furan uga hadlay sababaha keena qoys burburka qurbaha iyo sida ugu haboon ee looga gudbi karo.
Kulankan casho sharafta ah ahaa ayaa sidoo kale looga dooday xilka iyo waajibaadka waalidka iyo sida la isaga kaashan karo ilaalinta sharafta Ummadda Soomaaliyeed, waxaana madaxdii iyo marti sharaftii kulankan ka soo qeybgalay ay goobta ku soo bandhigeen talooyin wax ku ool ah.
Kulankan aayaa sidoo kale dib loogu milicsaday dhacdooyinkii ka dhacay dalka Sweden sanadkan sii dhamaanaya ee 2017-da gaar ahaan dilalka tiro dhallinyaro Soomaaliyeed, waxaana ururka waalidiiinta iyo macalimiinta ee iyugu kulankan soo qabanqaabiyey ay sheegeen in ay sii wadi doonaan doodaha iyo kulamada si looga gudbo caqabadaha ku hor gudban bulshada Soomaaliyeed ee ku nool dalka Sweden.
