Tababarkaan la xiriira Warka iyo Arrimaha taagan oo ay ka faa’idaysanayaan ilaa iyo 50 Wariye oo ka kala socda Warbaahinta Qaranka iyo Warbaahinada madaxa banaan, ayaa waxaa soo qaban qaabiyay Wasaaradda Warfaafinta Dhaqanka iyo Dalxiiska.
Ugu horeyn Agaasimaha Shaqaalaha iyo Tababarada Mudane Cabdirixiin Ciise Cadow ayaa kula dardaarmay wariyaasha ka qeyb qaadanaya Tababarkaan in ay ka faa’ideystaan mudada uu socdo islamarkaana ay ilaaliyaan waqtiga.
Related posts
Agaasimaha guud ee Wasaaradda warfaafinta ย Dhaqanka iyo Dalxiiska ee Dowladda Soomaaliya Mudane C/raxmaan Yuusuf Sheekh Al-Cadaala ayaa sheegay in wasaaradda warfaafinta ay joogteyneyso tababarada noocaan ah siย sare loogu qaado xirfada saxfiyiinta Soomaaliyeed.
Faarax Cumar Nuur ah oo madaxa tababarada ee Ururka Saxfiyiinta Qaranka Soomaaliyeed ayaa uga mahad celiyay madaxda Wasaaradda Warfaafinta dadaalka ay ugu jiraan kor u qaadida tayada warbaahinta Dalka.
Guddoomiyaha Gudiga Qaran ee shaqaalaha Rayidka Xasan Abshirow ayaa uu mahad celiyay Wasaaradda Warfaafinta iyo ururka suxfiyiinta Qaranka ,wuxuuna ugu baaqay hay’adaha kale ee dowladda in ay sameeyaan tababaro kor loogu qaadaayo shaqaalaha.
Wasiir kuxigeenka Wasaaradda Warfaafinta dhaqanka iyo Dalxiiska ee Dowladda Soomaaliya ahna sii hayaha wasiirka Warfaafinta Mudane C/raxamaan Iidaan Yoonis ayaa kula dardaarmay ka qeyb galayaasha tababarka in ay ka faa’ideystaan tababarkaan.
Tababarkan oo socon doona mudo Seddax maalin ah waxaa furitaankiisa ka qeyb galay Wasiir kuxigeenka Wasaaradda Warfaafinta dhaqanka iyo Dalxiiska ee Dowladda Soomaaliya ahna sii hayaha wasiirka Warfaafinta,Agaasimaha guud ee Wasaaradda warfaafinta ,guddiga qaran ee shaqaalaha Rayidka iyo sidoo waaxyaha shaqaalaha iyo tababarada iyo sidoo kale xiriirka gobolada.
