Wasiirka Wasaarada Tamarta iyo Kheyraadka Biyaha ee dowlad goboleedka Jubaland Mudane Ahmed Hussein Baraki, ayaa si rasmi ah u furay Tababar ku saabsan isku dhafka Maareeynta Kheyraadka Biyaha oo lagu qabanayo Magaalada Kismaayo kaa soo socon doono muddo 5 maalin ah, 18-22 September, 2022.
Tababarkaan,ayaa iska Kaashanaya Wasaaraad Tamarta iyo Kheyraadka Biyaha ee Dowladda Federaalka Soomaaliya iyo Wasaaradda Tamarta iyo Kheyraadka Biyaha ee Dowlad Goboleedka Jubaland.
Tababarkaa ayaa u jadasiisu tahay in kor looqaado awoodda Hay’adaha kala duwan ee Dowlad Goboleedka Jubaland ee Arrimaha Maareeynta Kheyraadka Biyaha si loo gaaro hadafka guud iyo hiigsiga Wasaaradda oo ah in kor loo qaado tayada iyo xirfadda shaqaalaha Wasaaradaha Dowlad Goboleedyada.
Waxaana ka soo qeyb galay Tababarka mas’uuliyiin ka socday Wasaaradaha kala duwan ee dowlad Goboleedka Jubaland , arday ka socotay Jaamacadaha iyo qaybaha kala duwan Ururada Bulshada rayidka.
Qaar ka mid ah Mas’uuliyiinta ka soo qeyb galay furitaanka Tababarkaan, ayaa Tilmaamay Faa’iidada Tababarkaan u leeyahay qeybaha kala duwan ee bulshada.
Ahmed Hussein Baraki Wasiirka Wasaaradda Tamarta iyo Kheyraadka Biyaha ee dowlad Goboleedka Jubaland oo Tababarkaan daah furayay, ayaa u rajeeyay ka soo qeyb galayaasha in si wanaagsan Tababarka looga Faa ‘iideysto.
