Tabbabarkan oo ay soo qaban qaabisay Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya waxaa ka qeyb galay 36 wariyayaal ka kala socday, Warbaahinta gaarka loo leeyahay iyo Warbaahinta Qaranka.
Tabbabarka waxaa bixinayay qubarro saxaafadeed uu ka mid ahaa Wasiirka hore ee Arrimaha Dibadda Danjire Yuusuf Garaad Cumar,.
Agaasimaha Waaxda shaqaalaha iyo tabarada Wasaaradda Warfaafinta, Dhaqanka iyo Dalxiiska Marwa Fartuun Axmed Xasan ayaa sheegtay in tababarkan uu ku soo aaday xilli loo baahnaa Wasaaradduna u soo xushay qubarro iyo macalimiin ku habboon si ay uga faa’iidaystaan ka qeybgalayaasha.
Agaasimaha guud ee Wasaaradda Warfaafinta, Dhaqanka iyo Dalxiiska JFS Mudane Cabdullaahi Xayir oo soo xiray aqoon isweydaarsiga ayaa uga mahad celiyay macaliinta bixinayay casharada iyo hawlgalka Midowga Afrika ee ATMIS oo Wasaaradda ka taageeray qabsoomidda tababarka.
Agaasime Xayir ayaa kula dardaarmay suxufiyiintii ka qeyb galay in ay dhaqan galiyaan casharadii ay ka barteen tababarka oo ku dhisnaa xaqiijinta wararka iyo ilaha rasmiga ah ee laga helo, ilaalinta bedqabka wariyaha, dhowridda mabaadi’ida iyo Anshaxa saxaafadda.
Ka qeyb galayaasha ayaa uga mahadceliyay wasaaradda Warfaafinta, Dhaqanka iyo Dalxiiska Soomaaliya qabashada tababarka iyo u soo xulidda macaliin ku wanaagsan, qibrad sarena u leh mowduucyadii loo jeediyay .
