Furitaan tababarkaan sare u qaadidda aqoonta howl-wadeenada garsoorka dalka ayaa waxaa goobjoog ka ahaa guddoomiyaha maxkamadda sare ee dalka, xubno ka socday Garsoorka Maamul- goboleedyada dalka iyo howl-wadeeeno ka tirsan hay’adaha Garsoorka Dowladda Federaalka Soomaaliya.
Guddoomiyaha Maxkamadda sare ee dalka Ibraahim Iidle Suleymaan ayaa sheegay in loo baahan yahay in Garsoorka uu noqdo mid madaxbanaan.
“Garsoorka heer Maamul-goboleed waxaa loo baahan yahay in uu ku xirnaado garsoorka heer federaal, waa in uu garsoorka madax-bannaanaadaa, waax yaha fulinta iyo sharci dajinta waa in ay ka madax-bannaanaadaan, maamul ahaan, maaliyad ahaan iyo shaqa ahaan “ ayuu yiri guddoomiyaha.
Ibraahim Iidle Suleymaan Guddoomiyaha Maxakamadda sare ee Dalka ayaa sidoo kale sheegay in la xoojin doono Garsoorka Gobolada sanadka cusub ee 2017 ay hiigsanayaan sidii loo hormarin lahaa Garsoorka Dalka .
Guddoomiyaha Maxkamadda Sare ee Dalka ayaa isaga iyo Xeer Ilaaliyaha Qaranka waxay socdaalo kala duwan kusoo bixiyeen xarumaha dowlad-goboleedyada halkaasoo ay garsoorayaasha Maxkamadaha kulamo kula soo qaateen.
