Howlwadeeno ka kala socday wasaaradaha caafimaadka iyo Tamarta Dowladda Federaalka ah, shaqaalaha iyo maamulka isbitaalka Deyyniile iyo xubno matalayay Bulshada iyo maamulka Degmada deyniile ayaa loo qabtay tababar wacyigalin ah oo socday mudo saddex maalmood ah oo ku saabsanaa ka faa’iideysiga, Gacan ku haynta iyo ilaalinta ileyska cadceeda ku shaqeeya oo ah mashruuca koranto siinta Cisbitaalka Dayniile, Mashruucaas oo haqabtiraybaahidi ikoranto ee Cisbitaalka 100%.
Mashruuca ayaa hirgalintiisa waxaa iskakaashaday Dowlada Soomaaliya i yo Dowlada Norway waxaana tabarka soo xiray Gudoomiyaha Degmada Dayniile.
C/raxmaan Cabdulle Bariise oo kamid ah maamulka isbitaalka Deyniile iyo Faadumo Cadow Maxamed oo ku hadleysay magaca dadkii tababarka ka faa’iideystay ayaa ka mahadceliyay mashruucan isbitaalka laga hirgaliyay ee ah ileyska cadceeda ku shaqeeya, Waxayna balanqaadeen in ay ka shaqayn doonaan gacan ku haynta iyo ilaalinta Mashruuca.
Gudoomiyaha Degmada Deyniile Cabdiwali Nuur Faarax oo ka hadlayay xiritaanka tababarka ayaa kula dardaarmay maamulka isbitaalka iyo qeybaha bulshada degmada inay dadka kale usii gudbiyaan wixii la baray ayna xooga saaraan ilaalinta agabka halbowlaha u ah isbitaalka Deyniile.
Isbitaalka Deyniile ee Magaalada Muqdisho oo oo bixiya adeegyo caafimaad oo lacag la’aan ah ayaa waxaa kujira bukaano fara badan oo qaba xanuuna kala duwan waxaana xusid mudan in isbitaalka ay kajiraan baahiyo dhinaca agabaka iyo daawooyinka ah.
