Qaar ka mid ah Saraakiisha Hey’adda Socdaalka iyo Jinsiyadaha iyo Ciidanka Boliiska Soomaaliyeed, ayaa ka qeybgalay tababar ku saabsan ka hortagga socdaalada sharcidarada ahoo ka furmay magaalada Muqdisho.
Tababarkaan oo kor loogu qaadaayo xirfadaha aqooneed ee Saraakiishaasi,waxa uu socon doono muddo shan maalin ah,iyadoo macalimiin Turki ah ay bixin donaan casharro ku saabsan socdaalada sharcidarada ah.
Tababarkaan waxaa si wadajir ah u furay Taliyaha Akadeemiyadda Boliiska Soomaaliya General Cabdirashiid Aadan Cilmi, Ku xigeenka Agaasimaha Guud ee HSJ Mudane Xasan Cabdulqaadir Maxamed iyo lataliyaha amniga iyo arrimaha gudaha ee safaarada turkiga Col. Ahmet Altan.
