Dugsiga sare ee Gambool waxaa ka socda tababar la xiriira kubadda
Koleyga,waxaana ka qayb-galaya macallimiinta dugsiyada hoose iyo sare
ee gobolka Nugaal.
Furitaanka tababar waxaa ka qayb-galay mas’uuliyin ka tirsan dowlad gobolleedlka
Puntland oo ay ka mid ahaayeen mas’uuliyinta ciyaaraha ee ee gobolka
Nugaal,wasaaradda Isboortiska oo u ka socday agaasimaha guud iyo
macallimiintii bixinsay tababarka.
Hadallo ay ka jeediyeen furitaanka waxaa ay ku aammaanen Maxamed
Madoobe,Cabdirisaaq Marayare oo ka mid ahaa ciyaartoydii kubadda
Koleyga Soomaaliya,kuwaaso xilligan isku howlay sidii deegaannada
Puntland looga hirgalin lahaa tababarro lugu horumarinayo kubadda
Koleyga.
Tababarkan waxaa la siin doona dhammaanba macalliminta dugsiyada sare
iyo hoose ee magaalooyinka waa weyn ee Puntland,waxaana horay
tababarkan loo siiyay macalliminta wax ka dhiga dugsiyada magaalada
Gaalkacyo.
Maxamed Madoobe,Cabdirisaaq Marayare ayaa sidoo kale waxaa ay la
shireen wasiirka waxbarashada Puntland Cali Xaji Warsame kaasoo u
sheegay tababarka inuu noqon doono mid laga hirgaliyo dhammaanba
iskuulada Puntland. hadalka wasirka ayaa aad ugu farxeen macalimiinta
mohmaed madoowe& abdirizaq cali & cali aamiin haji oo bixinayeey
tawabarka madaama sports usaan marnaba ka marneen iskuulada
Waxaan ugu baaqaya bahda isboortiska iyo qurba-joogta inay ku soo
laabtan oo ay ka qaybtaan horumarinta isboortiska Puntland,Waan ku
faraxnay wasiirka waxbarashada inuu yiri iskuulada oo dhan ayaa
tababarka ka faa’ideysan doona”ayuu yiri Madoobe oo ka mid ahaa
ciyaartoydii hore ee kubadda Koleyga Soomaaliya.
Waa markii ugu horreeysay oo ay iskuulada Puntland ka faa’ideysan
doonan tababarro la xiriira kubadda Koleyga.
