Wasaaradda Haweenka iyo hormarinta xuquuqul insaanka Galmudug ayaa Tababar ku saabsan sidi sinaan u noqon lahaayeen qayb ka mid ah doorashada u qabatey qaar ka mid ah shaqaalaha Wasaaradda Haweenka oo la barayo shuruucda la xiriirta sinaanta jinsiga ee fursadaha shaqooyinka ka banaan xafiisyada dowlada iyo u tartamida kuraasta labada aqal ee Baarlamaanka Soomaaliya.
Shaqaalaha aqoon kororsigan ka qayb galaya ayaa tababarka ka sokoow, wadatashi lagala yeeshay caqabadaha hortaagan in raga iyo dumarku u sinaadaan shaqooyinka dowlada, isla-markaana lahelo tiro badan oo haweenka ka mid ah kuwaa oo si la mid ah raga hela Hannaan simaya mushaaraadka, waqtiga shaqada iyo fursadaha doorashooyinka.
Ubax Xuseen Dhiblaawe, Wasiirka Haweenka iyo xuquuqul Insaanka Galmudug oo tababarkan daah furtay ayaa kula dar daarantay shaqaalaha ka qayb qaadanaya in ay ahmiyad badan siiyaan nuxurka casharada la bixinayo oo wasiirada sheegtay in ay wax badan ka badali karaan caqabadaha Tababar ku aadan sidi raga iyo dumarku si siman uga qeyb geli lahaayeen doorashooyinka.
