Guddoomiye ku-xigeenka Hay’adda Maaraynta Musiibooyinka Qaranka Dr Axmed Cabdi Aadan oo ay wehliyaan Agaasimaha Waaxda Tababarada iyo Cilmi-baarista Musiibooyinka iyo U qaabilsanaha SoDMA Arrimaha Carabta iyo Hay’addaha Islaamka ayaa maanta xarunta dhexe ee Hay’adda ku qaabilay Mudane Cabdiraxmaan Sheekh Cabdisamad oo ah Madaxa Hay’adda Nadwa Alcaalamiyah ee dalka Soomaaliya.
Labada dhinac ayaa ka wada hadlay arrimaha Tababarada Howlwadeenada SoDMA, Xasalinta iyo u diyaar garowga xilli roobaadka soo adan iyadoo laga cabsi qabo Fatahaada El-Niño taas oo meelaha ay saamayneyso uu ka mid yahay Qaybo ka mid ah Soomaaliya.
