In ka badan 400 oo tahriibiyaal ah ayaa doonyo ay la socdeen waxaa ay kula degeen badda Mediterranean oo u dhaxeysa dalalka Liibiya iyo Talyaaniga kadib markii afar doomood oo si xad dhaaf ah loo raray ay ku degeen badaasi, kuwaas oo ka yimid dalka Masar kuna sii jeeday Talyaaniga.
Tahriibiyaasha ayaa la sheegay in ay intooda badan ay ahaayeen Soomaali isla markaana u badnaa dhalinyaro, waxaana kamid ahaa dad u dhashay dalalka Ethiopia iyo Eritrea.
Safaaradda Soomaaliya ee dalka Masar, ayaa xaqiijisay in doonyaha ay dadka Soomaalida ah la socdeen ay degeen isla markaana aan la ogeyn tirada rasmiga ah ee la socday doonyaha.
Wararka ayaa sheegay in 29 ruux ay ka badbaadeen doonyaha ku degay badda Mediterranean.
