Dr Maxmed Cali Fuje oo ay Dowlada Soomaaliya u magacaawday Tala-bixiyaha Caafimaad ee COVID 19, ayaa Shacabka Soomaaliyeed usoo jeediyey diginin la xiriirta khatarta iyo saameynta adag ee cudurkaan COVID19 oo si dhaqsaha ah ku faafa.
Tala-bixiyaha Caafimaad ee COVID 19 Dr Maxmed Cali Fuje ayaa Bulshada Soomaaliyeed kula taliyey in ay qaataan Talooyinka Caafimaad ee muhiimka u ah xakameynta faafitaanka COVID19, si guul looga gaaro badbaadinta shacabka Soomaaliyeed.
Dr Maxmed Cali Fuje ayaa shcabka Soomaaliyeed ka codsaday in la bedelo dhaqanka Soomaaliyeed ee ku saleysan isjeceylka iyo is dhexgalka bulshada inta lagu guda jiro ka hortaga Faafitaanka Cudurka COVID19 si looga badbaado qatarta cudurka sida fudud ku faafa ee COVID19.
Dowlada Soomaaliya ayaa wado dadaalo xoogan oo ku aadan xakameynta faafitaanka Cudurka COVID19 ayadoo qaaday taloobin adag oo ay uga hortageyso in uu cudurkaas ku dhaxfaafo bulshada Soomaaliyeed.
