Ciidanka xoogga dalka ayaa degaanka daynuunaay oo qiyaastii 18 KM ujira magaalada Baydhabo ku dilay 12 maleeshiyaad ka tirsan argagixisada Al-Shabaab kaddib markii ay isku dayeen inay soo weeraraan fariisinka ciidanka xoogga ee degaankaasi.
Taliyaha Qeybta 60aad ee Ciidamanka Xoogga Dalka Soomaaliyeed, Sareeya Guuto Maxamed Sheekh Cabdullaahi oo wareysi siiyay Idaacada Codka Ciidamada Qalabka sida isagoo ku sugan jiida hore dagaalka ee aaga daynuunaay ayaa sheegay in maleeshiyaadka al-shabaab qasaare xoogan lagu gaarsiiyay daynuunaay.
Jeneraal Maxamed Sheekh ayaa tilmaamay in argagixisada ay ka dileen ku dhawaad 12 maleeshiyaad ah sidoo kalana laga dhawaacay tiro intaasi kabadan.
Taliyaha ayaa xusay in ciidanka xoogga dalka ay ka war qabeen weerarka argagixisada isla markaana iyagoo kafeejigan ay ka hortageen haatana ay kusii baacsanayaan degaanada howdka ah.
