Taliyaha ciidanka Booliiska Soomaaliyeed Jeneraal Maxamed Sheekh Xasan Xaamud ayaa maanta ka dhoofay garoonka diyaaradaha Aadan Cadde ee magaalada Muqdisho isagoo ku sii jeeday dalka Turkiga.
Taliyaha waxaa garoonka Aadan Cadde ku sii sagootiyay saraakiil sar sare oo ka tirsan ciidanka Booliiska Soomaaliyeed, isagoo tilmaamay in safarkiisu uu ku wajahanyahay dalka Turkiga.
Jeneraal Maxamed Sheekh Xasan Xaamud taliyaha ciidanka Booliiska Soomaaliyeed ayaa la filayaa in dalka Turkiga uu kula soo kulmo dhiggiisa dalkaasi iyo mas’uuliyiin kale, isagoo kala hadli doona sidii dowladda Turkigu ay gacan balaaran uga geysan laheyd horumarinta ciidanka Booliiska Soomaaliyeed.
