Taliyaha Ciidamada Uganda Jen. Katumba Wamala ayaa maanta booqday saldhigii deegaanka Janaale halkaasi oo maleeshiyaadka UGUS ay Weerar Naf Halignimo ah ku qaadeen Horraantii Isbuucaan.
Booqashada Taliayaha Ciidamada Ugandha ee deegaanka Janaale ayaa la xiriirtay sidii uu Qiimeyn ugu sameynlahaa Xaaladda Saldhiggaasi ay daganaayeen Ciidamada AMISOM halkaas oo ay ku dhinteen Ciidamo ka tirsan howlgalka nabad ilaalinta Midoowga Africa Ee Soomaaliya.
“Imaanshaheena xeradan Al-Shabaab ay weerartay wuxuu la xiriiraa sidii aan u qiimeyn laheyd qaabka ay wax u dhaceen, halkan ciidamadii joogay aad ayay isaga difaaceen Al-Shabaab, waana ku faraxnay”ayuu yiri Jen. Katumba Wamala.
Jen Wamala ayaa hadalkiisa intaa raaciyay in Ciidamada AMISOM ay Halkaasi Joogi doonan isagoo ku Ammaanay ciidamadaasi sida ay isaga difaaceen weeraradaasi naf haligista ah ayna u laayeen maleeshiyaadkii la soo qalday ee soo weeraray xaruntaasi.
Maleeshiyaadka UGUS ayaa weerarkaasi u Adeegsaday Gaari walxaha qarxa laga soo buuxiyay Kaas oo uu daba socday weerar toos ah oo maleeshiyaadka Argagixisadu ku dooneysay in ay kula wareegaan saldhigga.
Deegaanka Janaale ayaa hadda ah mid daggan iyadoo ciidamada Amisom iyo kuwa dowladda soomaaliya ay si wada jir ah uga shaqeynayaan sugidda nabadgalyada deegaanadaasi.
