Taliyaha Ciidamada Xoogga dalka Soomaaliyeed Sareeye Gaas Daahir Aadan Cilmi Indho Qarshe ayaa markii ugu horeysay tan iyo markii uu xilka la wareegay booqday xarunta tababarka howlgalka Midowga Yurub ee Soomaaliya ee ku taalo magaalada Muqdisho.
Sareeye Gaas Indho Qarshe ayaa bilaabay inuu booqdo xarunta Tababarka Generaal Dhega badan ee Muqdisho,halkaasi oo Saraakiisha Ciidamada Midowga Yurub ay ku tababaraan Ciidamada Xoogga dalka iyo tababarayaal Soomaali ah.
Waxaana Taliyaha Ciidamada Xoogga dalka xarunta uu booqday ku soo dhoweeyay Madaxa howlgalka Tababarka Midowga Yurub General Matteo Spreafico iyo Taliyaha tababar Ciidamada Colonel Guerrero.
Ugu danbeyntii, Taliyaha Ciidamada Xoogga dalka Sareeye Gaas Daahir Aadan Cilmi ayaa uga mahad celiyay madaxda howlgalka tababarka Midowga Yurub ee Soomaaliya sida markasta ugu heelan yihiin tababarka iyo tayeynta Ciidanka Xoogga dalka,isagoona indha-indheyn ku sameeyay howlaha muhiimka ah ee xarunta ka socda.
