Taliyaha Ciidanka Asluubta Soomaaliya S/Gaas Bashiir Mohamed Jamacayaa magaalada Livinstone ee dalka Zambia uga qeyb galaya shirka 2-di Sanaba Mar la qabto ee Talisyada Ciidamada Asluubta Africa.
Taliyaha intuu halkaas joogay wuxuu Kulamo la qaatay Taliyayashi ka soo qeyb galay oo ay ka mid aheyn taliyaha ciidanka Asluubta ee dalka Sudan iyo taliye ku xigeenka Asluubta wadanka Koofur Sudan waxa ayna ka wada hadleen sidii ay talisyadaasi u yeelan lahaayeen iskaashi.
Taliyaha wuxuu booqday Xabsiga weyn ee Magalada Livingstone ee dalka Zambia, isagoo u kuurgalay xaaladda maxaabiista xabsigaasi, Nasiib Wanaag kuma aysan jirin maxaabis Soomaali ah.
Taliyaha Ciidanka Asluubta Soomaaliye, S/Gaas Bashiir Maxamed Jaamac “Goobbe” Ayaa shirka ku soo bandhigay Qorshihiisa horumarineed ee dhismooyinka iyo isbedelada dhawaanahan uu ku sameynayay Xabsiyada dalka, wuxuuna xusay in wax badan is bedel lagu sameeyay nolosha maxaabista.
“Isbedallada wax laga qabtay waxa ka mid ah in Xabsiga Xamar oo la dhigay qol walbo 1:-Sariiro, Joodari iyo Maro kaneecoyin uu maxbuus walbo xaq uyeelanayo, 2:-Mashruuc weyn oo biyo galin loogu sameeyay Xabsiga Xamar, Qofwalbo maxbuus ah uu heli karo biyo nadiif ah oo aanan go’eyn, 3:-Qolalka Xabsiga in lagu sameeyay qalabeyn Dhalooyin Telefishino ee maxbuusku ka daawado aqbaaradka Caalamka, Ciyaaraha, Barnaamijyada diiniga ah iyo Muuqaalo waxbarashadooda kor u sii qaadeya 3:- Xabsiga Qeybta garsugaha oo bur bursanaa in la dhisay oo haatan ay shaqeyneyso qeybtaas, 3:- Waxa la dhisay Taliska KMG ee Xamar oo sii KMG loogu si shaqeyn doono inta laga dhisaayo Taliski weynaa oo haatan dhismiihisu heer gabo gabo ah maraya, 4:- Waxa la dhisay warshadi tababarada iyo Dhaqan celinta Maxaabista, Warshada waxa hadertaan ka socda wax soo saar ay maxaabista iyo Ciidanka oo wada jir ah ay wax ku soo saarayan” ayuu yiri Jeneraal Bashiir Goobbe.
Taliyaha inta uusan safarkiisa soo gabo gaboobin wuxuu kulamo gaar gaar ah la leeyahay Saraakisha iyo Madaxda Ka soo qeyb gashay shirkaaas.
