Taliyaha ciidanka Asluubta Soomaaliyed Sareeyo Guud Bashiir Maxamed Jamac Keynaan ayaa maanta si rasmi ah ula wareegay gaari aan xabada karin oo bus ah iyo dhar isboorti oo ay soo dhiibeen Ururka Aadanimada ee saxiibada Dawladd Jarmalka kaa oo loogu talagalay in loogu adeego maxabiista Soomaaliyeed,
Taliyaha Ciidanka Asluubta Soomaaliyeed Sareeyo Guud Bashiir Maxamed Jaamac Keynaan ayaa u mahad celiyay Dawladda Jarmalka, isagoo dhinaca kale qalab caafimaada iyo dhar isboorti oo loogu talagalay carruurta agoonta oo ay gacanta ku hayaan taliska ciidanka booliska uu ku wareejiyay taliyaha Ciidanka Booliska Soomaaliyeed Sareeyo Guuto Bashiir Cabdi Maxamed Ameeriko.
Taliyaha Ciidanka Booliska Soomaaliyeed Sareeyo Guuto Bashiir Cabdi Maxamed Ameeriko ayaa sheegay in qalabkaan caafimaadka ah uu waxbadan ka tari doono dhamaan ciidamada qalabka sida, gaar haan ciidamada booliska iyo Asluubta .
Taliyaha Ciidanka Asluubta ayaa soo xiray tartankii Aqoon korarsiga ahaa ee ka socday Xabsiga Dhaxe ee Xamar oo kor loogu qaadayay aqoonta, iyadoo maxabiistii kaalimada hore ka galay tartanka la guddoonsiyay abaal marino oo ay ku farxeen maxbiista ku jirta xabsiga dhexe ee Xamar.
Maxamed Muuse Maxamed oo ka mida ah howlwadeenada Idaacada Ciidamada Qalabka sida ayaa sheegay inuu sii laba jibaari doono sidii loo joogteyn lahaa tartamada nuucaani oo kale ah, si sare loogu qaado aqoonta maxaabiista ku jirta xabsiga dhexe ee Xamar.
Taliyaha Ciidanka Booliska Soomaaliyeed Sareeyo Guuto Bashiir Cabdi Maxamed Ameeriko ayaa u hambalyeeyay maxbiistii kaalimaha hore ka galaya tartanka.
Taliyaha Ciidanka Asluubta Soomaaliyeed Sareeyo Guud Bashiir Maxamed Jaamaca Keynaan ayaa ku dhiira geliyay maxaabiista in ay sii laba jibaaran aqoontooda, isla markaana aysan isu arag dad aan rajo la hayn nolosha.
