Taliyaha ciidanka booliska Soomaaliyeed oo uu wehliyo Guddoomiyaha Gobolkaย Banaadir iyo saraakiil kale oo ka tirsan ciidanka booliska ayaa maanta ย ย hawloย kormeerย ah ku tegay Saldhigga booliska ee Degmadaย Xamarย Jabjab ooย dhismihiisaย uu ka socdoย halkaasi, isla markaana meel fiican maraya, waxaana howsha si wada jira ah uga qeyb qaadanayay saraakiisha ciidanka booliska iyo maamulka gobolka.
Guddoomiyaha Gobolka Banaadir ahna Duqa magaalada Muqdisho Yuusuf Xuseen Jimcaaleย ayaa sheegay in ka maamul ahaan ay ka qaybqaadanayaan dhismaha saldhiggaย Booliskaย Xamarย Jabjab,ย isagoo xusay inay ku kabayaanย dhismahaย saldhiggaย lacag dhan tobon kun oo doolar,ย waxaanaย uu raja wanaagsan ka muujiyay in lagu guulaysan doono qorshaha iskaa wax uqabsoย ah ee lagu dhisayo saldhigga.
Related posts
Taliyaha ciidanka booliska Soomaaliyeed Sareeyo Gaas Maxamad Sheekh Xasan Xaamudย ayaa ka sheekeeyayย sidaย ay ku dhalatayย fikradaย dhismahaย saldhigaan iyo marxaladiihii uu sooย maray,ย waxaana uu intaa ku daray qorshaha iskaa wax uqabso ee lagu dhisayo saldhigaan uu bilaw unoqonayo dib u dayactirka saldhigyada booliska ee gobolka banaadir.
โRuntii bishii November ayaan halkan dhagax dhignay oo aan bilownay in laga dhigo saldhig boolis, howshan waxaa lagu bilaabay lacag ay iska arruuriyeen ciidanka booliska iyo Maamulka degmada Xamar Jajab oo dhankooda wax ku kabay, marka waxaan ganacsatada ka codsaneynaa inay gacan ka geystaan dhismaha saldhigan, oo qeyb ka ah qorshaha dhiso dalkaaga Hooyoโ ayuu yiri Taliyaha ciidanka Booliska.
Dhismahan saldhigan ayaa waxaa ka qeyb qaadanaya ciidanka booliska ee gobolka banaadir iyo ciidamo kale oo tababbar ugu xareysan dugsiga tababbarka ciidanka booliska ee Jeneraal Kaahiya, kuwaasi oo subax kasta marka ay tababbarka soo qaataan kaddib, ka qeyb qaata dhismaha saldhigga cusub ee uu yeelanayo maamulka degmada Xamar Jajab.
