Taliyaha ciidanka booliiska Soomaaliyeed Sareeyo Gaas Maxamed Sheekh Xasan Xaamud ayaa u xiray maanta dallacaada haweeney kamid ah saraakiisha booliska Soomaaliyeed oo noqotay haweeneydii ugu horeysay marka loo eego ciidanka booliska haweenka kujira ee abid gaarta darajada Gaashanle sarre.
Faadumo Xasan Maxamed ( Neero ) oo ah madaxa hogaanka is dhaxgalka bulshada iyo booliska ayuu taliyaha u xiray darajada lagu dalacsiiyay , waxaana Faadumo ay ciidanka booliska Soomaaliyeed kusoo biirtay 1971 , intaasina waxay ku dhaxjirtay howlaheeda, iyadoo meelo kala duwan kasoo shaqeysay oo booliska ah .
”Taliyaha ciidanka booliska ayay ugu horreynta u mahadcelisay, iyada oo sheegtay in taliyuhu uu mudnaanta siiyay gabdhaha , aniga 1971-dii ayaan soo qortay ciidanka booliska , taliyaha booliska waa shaqsi xaqa yaqaano , gabdhaha tiro yar ayaan eheyn dhanka gabdhaha booliska ku jiray, haatan wey saa’ideen ku dhawaad waxaan iminka nahay kun ” ayay tiri gaashanle sarre Faadumo Xasan Maxamed.
Taliyaha waxa uu sidoo kale u xiray darajada madaxa waaxda ka hortagga tacadiyadda haweenka iyo carruurta Dhamme Idil Cabdullaahi Xasan iyo kuxigeenkeeda Dhamme Raxma Salaad Maxamed ayaa dhankooda u mahadceliye Sareeye Gaas Maxamed Sheekh Xasan Xaamud kuna amaanay dalaalka dheeriga ah uu galiyo ciidanka booliska gaar ahaan haweenka .
”Waxaanu eheyn markii loo eego booliska in gabdhaha la arki jiray kaliya xiliyada 20 Desembar oo ah aas aaska ciidanka booliska, mana jirin in goobo kale nagula arko, hase yeshee maanta waxaanu nahay kuwo la qeyb sanayo ragga howlaha ay hayaan hayaan, taasina waxaa mahadeeda leh taliyaha ciidanka booliska Soomaaliyeed Sareeyo Gaas Maxamed Sheekh Xasan Xaamud ” ayay tiri Dhamme Raxma Salaad Maxamed .
Taliyaha ciidanka booliska S/G Maxamed Sheekh Xasan Xaamud oo ugu dambeyn ka hadlay goobtii dalacsiinta loogu xerayey saraakiishaan gabdhaha ah ayaa sheegay inay ku dadaalan in la xoojiyo booliska, taasina ay keentay in la dhiso waaxda isdhaxgalka bulshada iyo booliska Soomaliyeed, Faadumana tahay gabadhii ugu horeysay ee booliska Soomaaliyeed taariikhdiisa gashanle sare ka noqota .
