Taliyaha Ciidanka Booliska Soomaaliyeed S/gaas Bashiir Cabdi Maxamed “Ameeriko” iyo saraakiil uu hoggaaminayo ayaa maanta u ambabaxay magaaladda Khartoum ee dalka Sudan, kadib casuumaad uu ka helay Taliyaha ciidanka Booliska Dawladda Sudan.
Taliyaha iyo wafdiggiisa ayaa waxaa garoonka diyaaradaha ee magaaladda Muqdisho kusii sagootiyey qaar kamid Saraakiisha Ciidanka Booliska Soomaaliyeed.
S/gaas Bashiir Cabdi Maxamed “Ameeriko” Taliyaha Ciidanka Booliska Soomaaliyeed iyo saraakiisha uu hoggaaminayo ayaa la filayaa inta ay ku sugan yihiin magaaladda Khartoum in ay la kulmaan Madaxda sare ee Ciidanka dawladda Sudan.
Labada dhinac qodobada ay kawada hadli doonaan waxaa kamid ah siddii loo xoojin lahaa wada shaqeynta ay leeyihiin Booliska Soomaaliya iyo Suudaan, kordhinta taageerada iyo tababarka ciidanka booliska Soomaaliya iyo qodobo kale.
Dawladda Sudan ayaa waxay kamid tahay Wadamada Soomaaliya ka caawiyo dib u dhiska, tababarada iyo qalabeynta Ciidanka Booliska Soomaaliyeed.
