Related posts
Xaflad Casha sharaf ah oo lagu soo dhoweynayay S/gaas Maxamed Aadan Axmed Taliyaha Ciidanka xoogga Dalka Soomaaliyeed ayaa lagu qabtay Magaalada Oslo ee Casimadda Dalka Norway.
Xafladdan oo ay soo Agaasimeen masuuliyiinta Ururka Gargaar oo ah Urur daryeela Agoonta Ciidamada Qalabka sida iyo xubno ka mid ah jaaliyadda Soomaaliyeed ee Oslo, ayaa waxaa ugu horeyn ka hadlay ,Cabduqadir Abtidoon oo ah Sargaal ka socday Ururka Gargaar, isagoo kaga mahad celiyay booqashada taliyaha uu ku tegey Norway, wuxuuna ku dheeraaday hadafkii loo asaasay hayโaddan taakulaysa Agoonta Ciidanka Xoogga Dalka iyo ujeedkii laga lahaa.
Ugu danbeyn Maxamed Aadan ย Axamed, Taliyaha Ciidanka xoogga Dalka ayaa u mahad celiyay jaaliyadda Soomaaliyeed iyo soo dhoweyntii loogu sameeyay Magaalada Oslo,isagoo ugu baaqay guud ahaan muwaadiniinta qurbaha ku nool inay taageeraan Ciidamadooda.
Taliyaha Ciidanka xoogga Dalka Sarreeya gaas Maxamed Aadan ayaa wuxuu kula dardaarmay Jaaliyadda iney ka qeyb qaataan Nabadeynta Dalkooda Hooyo oo uu sheegay inay qeyb weyn ka qaadan karaan, waloow ay Qurbaha ku nool yihiiin.
