Taliyaha Ciidanka Xoogga Dalka Soomaaliyeed Sareeyo Gaas Daahir Aadan Cilmi Indha-Qarshe ayaa maanta Xafiiskiisa kula kulmay u qaabilsanaha Dalka Suudaan ee Arimaha Ciidamada dalalka Soomaaliya iyo Kenya Yasir Khirey Abdelrahim.
kulanka uu Taliyaha ciidanka Xoogga Dalka Soomaaliya uu la qaatay u qaabilsanaha dalka Suudaan ee Arimaha Ciidamada dalalka Soomaaliya iyo Kenya ayaa waxaa goob joog ka ahaa Saraakiil ka tirsan Ciidanka Xoogga Dalka Soomaaliya.
Sareeyo Gaas Daahir Aadan Cilmi, Taliyaha Ciidanka Xoogga Dalka ayaa sheegay in kulanka uu maanta la yeeshay uqaabilsanaha Dalka Suudaan ee Arrimaha Ciidamada dalalka Soomaaliya iyo Kenya uu ahaa mid lagu xoojinayo Xiriirka iskaashiga Ciidamada ee dhanka tababarada
Uqaabilsanaha Dalka Suudaan ee Arrimaha Ciidamada wadamada Soomaaliya iyo Kenya Yasir Khirey Abdelrahim, ayaa tilmaamay In Suudaan ay dhawaan Bilaabi doonto tababarada ay siin jirtay Taliska Ciidanka Xoogga Dalka Soomaaliya.
Suudaan ayaa ka mid ah Dalalka sida gaarka ah u tababara Ciidamada qalabka Sida ee Soomaaliya.
