Munaasabad uu xilka kula waregayay Taliyaha cusub ee Ciidanka dhulka Xoogga Dalka Soomaliyeed ayaa ka dhacday Taliska ciidanka dhulka XDS.
Munaasibadda xil-wareejinta ayaa waxaa goobjoog ka ahaa Taliye ku xigeenka Ciidanka xoogga dalka Soomaaliyeed, hoggaannada ciidanka, kan gaadiidka, xiriirka arrimaha dibedda , xubno ka socday xafiiska hanti dhowrka iyo marti sharaf kale.
Taliye ku xigeenka Ciidanka Xoogga Dalka Somaliyeed Sarreeye Guuto; Madey Nuureey Sheekh ayaa Xilka u kala Wareejiyey Taliyaha cusub ee xilka la wareegay Gaashaanle Sare Dayax Cabdi Cabdulle iyo Taliyihii hore ee Ciidanka dhulka Sarreeye guuto; Axmed Aadan Cali.
Taliye ku -xigeenka Ciidanka Xoogga Dalka Sarreeye Guuto Madey Nuureey Sheekh Ufuroow ayaa kula dar daarmay Taliyaha cusub inuu dar dargeliyo howsha culus ee loo igmaday, wuxuuna Taliyuhu eebbe uga baryay inuu Alle la garab galo waajibaadka adag ee horyaallo.
