Munaasabad lagu soo dhaweynayay Taliyaha booliska degmada Guriceel ee Gobolka Galgaduud ayaa waxaa soo qaban qaabiyay qaybaha kala duwan ee bulshada ku dhaqan degamda, waxa ayna soo dhaweeyeen magacaabista Taliyaha saldhigga degmada ee uu dhawaan soo magacaabay taliyaha booliska Soomaaliyeed.
Shacabka ka soo qaybgalay munasabadda ayaa bogaadiyay Taliyaha Saldhigga Gaashanle Daahir Faarax iyagoo sheegay in ay ku gacan sinayaan la shaqaynta booliska degmada
Dhankakale munaasabadda waxaa goobjoog ka ahaaa Taliyaha saldhigga Degmada Matabaan Dhame Abdifitaax Fooneeye isaga oo kula dar darmay shacabka iyo taliyaha cusub inay yeeshan wada shaqayn dhaw.
Gaashanle Daahir Faarax Axmed Taliyha saldhigga booliska degmada Guriceel oo munasabadda ka hadlay ayaa sheegay hadii taliska booliska degmada uu arko qof abaabulaya isku dhac beleed lala tiigsan doono sharciga.
Taliye Daahir oo hadlkiisa siiwato ayaa ku nuux nuuxsaday in uu la dagalamayo waxyabaha maanka doriya oo si dhuumalaysi ah lagu soo galiyo gudaha Guriceel.
Ugu dambaytii munasabadda oo uu soo xiray Guddomiye ku-xigeenka Degmada Faarax Cabdi Macalin ayaa shegay in lala shaqeeyo laamaha ammaanka gaar ahaan booliska degmada Guriceel oo u diyaarsan inay u adeegaan bulshadooda.
