Taliyaha Hay,addda Nabadsugida iyo sirdoonka Qaranka Soomaaliya oo ay wehliyaan safiirka soomaaliya ee Kenya iyo mas’uuliyiin kale oo ka tirsan maamul goboleedyada ayaa galabta booqday garooonka kubada cagta ee koonis ee uu ka socdo horyaalka heerka koowaad ee dalkeena, iyadoo ciyaartaasi ay daawadeen mas’uuliyiintaasi.
Ciyaar aad u xiisa badan oo dhex martay Kooxaha Saxafi iyo Banaadir Telcom ayaa taliyaha Hey’adda Nabadsugida iyo sirdoonka Qaranka Gen C/raxmaan Maxamed Tuuryare Cumda, Safiirka Soomaaliya ee dalka Kenya Ambassador Maxamed Cali Nuur Ameeriko, Madaxweynaha Maamulka Jubba Axmed Maxamed Islaam Axmed Madoobe iyo Mas’uuliyiin kale ayaa u daawasha tagay ciyaartaasi oo ay aad ugu riyaaqeen ciyaartaasi.
Ciyaartaasi Xiisaha badneyd iyo ka qeyb galka mas’uuliyiintaasi ayaa waxaa ka warbixiyay Afhayeenka Hey’adaha Ammaanka Maxamed Yuusuf Cismaan oo sheegay in mas’uuliyiintaasi ay ka qeyb galaan ciyaartaasi ay ka mid tahay hagaajinta amniga caasimada iyo xoojinta barnaamijyada is dhex galka Bulshada oo horumar balaaran laga sameeyay.
Magaalada Muqdisho ee caasimada Soomaaliya ayaa waxaa laga dareemayaa horumar balaaran oo qeyb ka ah amniga iyo isdhex galka bulshada, iyadoo dhalinyarada Soomaaliyeed ay galab waliba oo ay ciyaar kadhaceyso lagu arkayo Garoonka kubadda cagta ah ee Banaadir taasi oo ka dhigan in horumar laga gaaray barnaamijka isdhex galka Bulshada oo Dowladda ay xooga saartay.
