Wafdi uu hogaaminayo taliyaha howlgalinta ciidanka xoogga dalka Jeneraal Maxamed Sheekh Madoowe ayaa booqday degaanada Jubboyinka ee dhawaan laga xoreeyay maleyshiyada Nabadiidka Al-Shabaab
Saraakiisha ciidanka Xoogga dalka ayaa booqday degaanada kala ah Baar Sanguuni, kaban iyo tuulo hoos tagta Degmada Jamaame, iyagoo u kuur galay amniga deegaanada lagala wareegay maleeshiyada Al-Shabaab.
Taliyaha qeybta 43Aad ee ciidanka Xoogga Dalka Jeneral Ismaaciil Saxardiid ayaa ugu warbixiyay Taliyaha hogaanka howlgelinta Ciidanka goobaha ciidamada Xoogga dalka ay ka xoreeyeen Nabadiidka Al-Shabaab.
Jeneral Maxamed Sheekh Madoowe Taliyaha hogaanka howlgalinta ciidanka Xoogga dalka waxa uu duleedka degaanka Kaban uu kula hadlay cutubyo ka tirsan ciidanka Xoogga dalka, isagoo sheegay in loo diyaar garoobay dagaalka ka dhanka ah Nabadiidka Al-Shabaab
Taliyaha hogaanka howlgalinta ciidanka xoogga dalka ayaa ciidamada Xoogga Dalka ay fulinayaan howlgalada xureeynta dalka ka dalbaday in ay shacabka u naxaan isla markaasina ay ku wargaliyaan in ay yihiin ciidan qaran.
