Kormerkaan uu maanta ku tagay xeer ilaaliyaha guud ee Qaranka Soomaaliya Dr Axmed Cali Daahir oo ay wehliyaan ma’suulin ka socday Wasaarada Garsoorka ee Soomaaliya kuwasi oo koormerkooda la xiriiray u kuurgalida iyo qiimeyn ay ku sameynayeen xarumaha ciidanka Asluubta Soomaaliya uu ku leeyahay magaalada Muqdisho.
Goobihii ay maanta kormeerka ku tageen mas’uulintasi waxaa ka mid ahaa Taliska Dhexe ee ciidanka Asluubta Soomaaliya ee Ex.control ee Afgooye, Xeradii agoonta, Xabsiga dhexe ee Xamar, Warshadii Sabalaas oo ahaan jirtay Warshad ay lahaan jireen ciidanka Asluubta Soomaaliya,Xabisgii Keysanee oo hadda ah Isbitaal iyo Jaamacadii Gaheer oo dhamaantooda ah xarumo ay leeyihiin Taliska ciidanka Asluubta Soomaaliya isla markaana qaar ka mid ah xarumahaasi ay hada gacanta ugu jiraan dad shacab ah
Taliyaha ciidanka Asluubta Soomaaliya Jenaraal Xuseen Xasan Cismaan ayaa ugu horeyn mas’uulinta wafdigasi uu horkacaayay xeer ilaaliyaha guud ee Qaranka warbixin ka siiyay xaalada guud ee ciidanka Asluubta Soomaaliya isla markaana xusay inay kormeer ku tageen qaar ka mid ah xarumihii uu lahaan jiray ciidanka Asluubta ee Soomaaliya.
“Saakay waxaan kormeernay aniga, Xeer ilaaliyaha iyo mas’uuliyiin kale dhulkii ciidanka asluubta oo ku yaala Xamar waxaa ka bilownay Xabsiga dhexe, waxaa ku xijinay Keynsanee hadda waxaa joognaa Taliskii ciidanka waxaa sidoo kale soo marnay Jaamacadii Gaheyr” ayuu yiri Taliyaha Ciidanka Asluubta.
Xeer ilaaliyah guud ee Qaranka Dr Axmed Cali Daahir oo isna halkasi hadal kooban ka jeeydiyay aya waxaa uu sharaxaad ka bixiyay goobihii ay maanta kormeerka ku tageen isagoo xusay in kormeerkooda uu la xiiriray u kuurgalida xarumahaasi waxaa uu intaa ku daray in dhowaan dib u dayactir lagu sameyn doono xarumaha ciidanka Asluubta uu ku leeyahay magaalada Muqdisho.
Sawir Qaade: Farxaan Maasgaro
