Taliye ku xigeenka ciidanka Booliiska Soomaaliyeed Jeneraal Muqtaar Xuseen Afrax ayaa maanta kormeer ku tagay goobaha ay wax ku bartaan ciidanka booliiska kuwooda an aqoonin qorista iyo aqrinta farta Soomaaliga.
Ujeeddada kormeerka taliye ku xigeenka ciidanka booliiska ayaa aheyd u kuurgelidda xaaladda waxbarasho ee ciidanka booliiska Soomaaliyeed, kuwooda la barayo qorista iyo aqrinta farta Soomaaliga.
Taliye ku xigeenka ayaa ku boorriyay ciidamada wax lagu barayay goobaha uu kormeeray iney ku dadaalaan barashada qorista iyo aqrinta farta Soomaaliga, taasoo uu tilmaamay in ay u fududeeyn doonto gudashada howlahooda shaqo.
Taliska ciidanka booliiska Soomaaliya ayaa dhowaan billaabay qorshe sare loogu aadayo aqoonta ciidanka booliiska Soomaaliyeed.
