Taliye ku xigeenkii hore ee hay’adda Nabad sugidda iyo Sirdoonka Qaranka “NISA” Xasan Dheere ayaa ku dhaawacmay weerar goor dhow ka dhacay Isgoyska Ceel-Gaab oo kala qaybiya degmooyinka Xamar-Jabjab iyo Waabari ee magaalada Muqdisho.
Kooxo hubeysan ayaa rasaas ku furay gaari ay saarnaayeen taliyaha iyo ilaaladiisa sida SONNA ay u sheegeen dad goobjoogayaal ah.
Sidoo kale weerarkaan waxaa ku geeriyooday mid ka mid ah ilaalada Taliyaha, waxaana sidoo kale ku dhaawacmay Darawalka Taliye ku xigeenka.
