Danjiraha dowladda Talyaaniga u fadhiya Soomaaliya ayaa Deeq Dawo ah maanta guddoonsiiyey maamulka Cusbitalka Martiini ee magaalada Muqdisho.
Deeqdan Dawada ah ee lagu wareejiyay maamulka Cusbitaalka Martiini ee Magaalada Muqdisho ayaa waxay ka timid hay’adda PERIGEO ee dalka Talyaaniga waxaana guddoonsiiyey maamulka Isbitaalka Martiini Safiirka dawladda Talyaaniga u jooga Soomaaliya Carlo Canpanile.
Related posts
Madaxa Ciidamada Talyaniga ee Soomaaliya Jusepe Fabri oo ka hadlay munasabadda ayaa sheegay iney mar walba u taagan yihiin gacansiinta shacabka Soomaaliyeed.
Xiriiriyaha Deeqaha dawladda Talyaaniga ee Gobolka Banaadir Maxanuud Xuseen Kabtan Mooge ayaa sheegay in muhiimad weyn ay deeqdaan u leedaha Bulshada.
Ku simaha Agaasimaha Cusbitaalka Martiine Maryan Axmed Maxamuud ayaa sheegtay in Deeqdan dawada ah ay kusoo beegantay xilli baahi badan loo qabay.
Safiirka Dawladda Talyaaniga Carlo Canpanile oo ka hadal Munaasibadda ayaa sheegay in dowladda ay mar walba garab joogto shacabka Soomaaliyeed.
Cusbitaalka Martiini oo ka mida ah kuwa ugu da’da weyn Cusbitaallada magaalada Muqdisho ayaa dib loo furay Bishii Oktoobar, hase yeeshee bishii Disembar 2016-kii waxaa si rasmi ah xarigga uga jaray Madaxweynihii hore Xasan Shiikh Maxamuud ka markii ay Dayactirtay Dowlada Talyaaniga iydoo ay maamusho hay’adda IIDA.
