Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 14–aad ee wareegga koowaad ku tartamay Degmooyinka Aadan-yabaal iyo Boondheere oo ka kala tirsan Gobollada Shabeelaha Dhexe iyo Benaadir. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Aadan-yabaal iyo Boondheere ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Aadan-yabaal
Tartameyaasha Degmada Aadan-yabaal ee Gobolka Shabeelaha Dhexe waxaa la weydiiyey todobo Suโaal, todobadii suโaal ee la weydiiyay waxa ay si sax ah uga jawaabeen Afar suโaal, halka ay iska qaldeen Saddex suโaal, Ma jirin wax ka faaโiideysi ah oo ย ay heleen, sidaa darteed wadarta guud ee dhibcaha tartameyaasha Degmada Aadan-yabaal ay heleen waxay noqotay Sideed (08) dhibcood.
Boondheere
Tartamayaasha Degmada Boondheere ee Gobolka Benaadir waxaa dhankooda la weydiiyay todobo suโaal, waxa ay ka jawaabeen Shan suโaal, halka ay iska qaldeen Labo suโaal, Waxa ay ka faaโiideysteen Hal suโaalย oo soo hareermartay dhgooda Aadan-yabaal, sidaa darteed wadarta guud ee dhibcaha ay heleen tartameyaasha Degmada Boondheere waxay noqotay Labo iiyo Toban (12) dhibcood.
Hadaba kulankii 14-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Labaad u soo gudbay tartamayaasha Degmada Boondheere ee Gobolka Benaadir, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 15-aad ee tartanka, waxaa jiri doono labo tartan, qeybta koowaad waxaa ku tartami doona Degmooyinka Warsheekh iyo Xamar–Jajab oo ka kala tirsan Gobollada Shabeelaha Dhexe iyo Benaadir, halka qeybta labaad ay isku arki doonaan degmooyinka Bardaale iyo Kaaraan oo ka kala tirsan gobollada Baay iyo Benaadir.
Sawir qaade= Khadar Cali Nuur
