Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa Lix iyo Tobnaad oo ah wareegga labaad ku tartamay tartameyaasha Degmooyinkaย Wadajirย Vsย Boondheereย oo ka wada tirsan Gobolka Benaadir, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Tartameyaasha labada degmo ee Wadajir Vs Boondheere ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.
Related posts
Wadajir
Tartameyaasha Degmada Wadajir ee gobolka Benaadir waxaa la weydiiyey todobo Suโaal, waxa ay ka jawaabeenย Saddexย suโaal, waxaana ay iska qaldeenย Afarย suโaal, Waxa ay ka faaโiideysteenย Laboย suโaal oo soo hareermartay Boondheere, sidaa darteed wadarta guud ee dhibcaha tartameyaasha Degmada Wadajir ay heleen waxay noqotay Toban (10) dhibcood.
Boondheere
Tartamayaasha Degmada Boondheere ee Gobolka Benaadir waxaa dhankooda la weydiiyay todobo suโaal, waxa ay ka jawaabeenย Shanย suโaal, iyagoo iska qaldayย Laboย suโaal, waxa ay ka faaโiideysteenย Halย suโaal oo soo hareer martay tartamayaasha Degmada Wadajir, sidaasi darteed wadarta guud ee dhibcaha ay heleen tartameyaasha Degmada Boondheere waxay noqotay Labo iyo toban (12) dhibcood.
Tartamayaasha Degmada Boondheere ee Gobolka Benaadir ayaa caawa u soo gudbay wareegga saddexaad ee tartanka.
Habeen dambe haddii uu Alle idmo oo ah habeenka Todobo iyo tobnaad ee tartanka, waxaa foodda is dari doono, tartamaayasha degmooyinka Jilib Vs Dharkeynley oo ka kala tirsan Gobolada Jubbada Dhexe iyo Benaadir.
