Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii afar iyo labaatanaad oo ah wareegga saddexaad ku tartamay tartameyaasha Degmooyinka Yaaqshiid VS Dhahar oo ka kala tirsan Gobollada Benaadir iyo Sanaag, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Yaaqshiid VS Dhahar ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suβaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Related posts
Yaaqshiid
Tartameyaasha Degmada Yaaqshiid ee gobolka Benaadir waxaa la weydiiyey todobo Suβaal, waxa ay ka jawaabeen hal suβaal oo qura, waxaana ay iska qaldeen lix suβaal, mana jirin wax ka faa’iideysi ah oo ay heleen tartamayaasha Yaaqshiid, sidaa darteed wadarta guud ee dhibcaha tartameyaasha Degmada Yaaqshiid ay heleen waxay noqoneysaa labo (2) dhibcood.
Dhahar
Tartamayaasha Degmada Dhahar ee gobolka Sanaag waxaa dhankooda la weydiiyay todobo suβaal, waxa ay ka jawaabeen Saddex suβaal, iyagoo iska qalday afar suβaal, waxa ay ka faa’iideysteen labo su’aal oo soo hareer martay tartamayaaasha Degmada Yaaqshiid, waxaana wadarta guud ee dhibcaha ay heleen tartameyaasha degmada Dhahar ay noqotay toban (10) dhibcood.
Tartamayaasha Degmada Dhahar ee Gobolka Sanaag ayaa caawa u soo gudbay wareegga afaraad ee tartanka.
