Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii sideedaad ku tartamay tartameyaasha Degmooyinka Kismaayo VS Dharkeynleey oo ka kala tirsan Gobollada Jubbada Hoose iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Kismaayo VS Dharkeynleey ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suโaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Kismaayo
Tartameyaasha Degmada Kismaayo ee gobolka Jubbada Hoose waxaa la weydiiyey todobo Suโaal, waxaana ay si sax ah uga jawaabeen Hal suโaal, waxaana ay iska qaldeen Lix suโaal, mana jirin wax ka faaโiideysi ah oo ay heleen, hadaba wadarta guud ee dhibcaha tartameyaasha Degmada Kismaayo ay heleen waxay noqoneysaa labo (2) dhibcood.
Dharkeynleey
Tartamayaasha Degmada Dharkeynleey ee gobolka Benaadir waxaa dhankooda la weydiiyay todobo suโaal, mana jirin wax su’aal ah oo ay ka jawaabeen, balse waxa ay si ka faaโiideysi u heleen saddex suโaal oo soo hareermartay tartamayaasha Degmada Kismaayo ee gobolka Jubbada Hoose, waxaana wadarta guud ee dhibcaha tartameyaasha degmada Dharkeynleey ay noqotay Lix (6) dhibcood.
Tartamayaasha Degmada Dharkeynleey ee gobolka Benaadir ayaa caawa u soo gudbay wareegga labaad ee tartanka.
Hadaba Habeen dambe oo ah habeenka sagaalaad ee tartan cilmiyeedka Warbaahinta Qaranka hadii uu Alle idmo barnaamijka waxaa ku tartami doona tartamayaasha degmooyinka Xamar Jabjab Vs Wadajir oo ka wada tirsan Gobolka Benaadir.
