Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan ku dhexmaray degmooyinka Dhuusamareeb Vsa Deyniile oo ka kala tirsan Gobollada Galgaduud iyo Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Sida uu xeerka tartanka qabo marka degmo walibo la weydiiyo min afar suโaal waxaa caawa dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Dhuusamareeb iyo Deyniile, ย iyo sidoo kale waxyaabaha ay caanka ku yihiin oo ay ku cabireen hab suugeed.
Related posts
Natiijada tartankii dhexmaray caawa tartamayaasha degmooyinka Dhuusamareeb iyo Deyniile waxey noqotay sidan:-
Dhuusamareeb
Tartamayaasha Degmada Dhuusamareeb sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Suโaal, waxaana suโaallihii la weydiiyey ay ka jawaabeen Hal suโaal oo waxa ay iska qaldeen Lix suโaal,ย halka ay ka faaโiideysteen Labo suโaal oo soo hareermartay tartamayaasha Degmada Deyniile, waxayna wadarta guud ee dhibcaha tartamayaasha degmada Dhuusamareeb ay heleen noqoneysaaย 6ย dhibcood (Lix dhibcood).
Deyniile
Tartamayaasha Degmada Deyniileย waxaa iyana dhankooda la weydiiyey Todobo Suโaal,ย suโaallihii la weydiiyey waxay si sax ah uga jawaabeen Saddex suโaal, ย halka ay iska qaldeen afar suโaal,ย Waxa ay ka faaโiideysi u heleen Labo suโaal oo soo hareermartay tartamayaasha Degmada Dhuusamareeb, waxaana wadarta guud ee tartamayaasha degmada Deyniile ka dhigeysaa inay heleenย 10ย dhibcood (Toban dhibcood).
Hadaba kulankii 12aad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay tartamayaasha degmada Deyniile ee gobolka banaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka 13aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Wadajir iyo Buuhoodle oo ka kala tirsan gobollada Banaadir iyo Togdheer.
Halkan ka dhageyso
Qeybta Koowaad ee Tartanka
Qeybta Labaad ee tartanka
