Xaflad aad u ballaaran oo lagu soo bandhigayey musharaxnimada Madaxweyne ku xigeenka dowlad goboleedka Galmudug ee Mudane Maxamed Xaashi Carabeey ayaa maanta lagu qabtay magaalada Cadaado.
Xafladda waxaa kasoo qeybgalay Xildhibaanno ka tirsan Baarlamaanka Federaalka Soomaaliya,baarlamaanka Galmudug,siyaasiyiin,odayaasha dhaqanka iyo marti sharaf kale waxaana ay aheyd mid lagu taageerayey musharaxa madax weyne ku xigeenka dowlad goboleedka Galmudug.
Khudbaddo ay xafladda ka jeediyey mas’uuliyiinta kala gedisan ee ka qeybgalay ayaa waxey si wadajir ah ugu taageereen in Mudane Maxamed Xaashi Carabeey uu yahay nin u qalma qabashada xilka madaxweyne ku xigeenka dowlad goboleedka Galmudug islamarkaana ay ku taageerayaan musharaxnimadiisa.
Ugu dambeyntii khudbad uu ka jeediyey Munaasabadda Musharaxa madaxweyne ku xigeenka dowlad goboleedka Galmudug Mudane Maxamed Xaashi Carabeey ayaa ku muujiyey musharaxnimadiisa waxaana uu ka codsaday Baarlamaanka dowlad goboleedka Galmudug iney codkooda siiyaan.
