Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii sagaal iyo tobnaad oo ah wareegga labaad ku tartamay tartameyaasha Degmooyinka Wadajir VS Garbahaareey oo ka kala tirsan Gobollada Benaadir iyo Gedo, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Wadajir VS Garbahaareey ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suโaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Related posts
Wadajir
Tartameyaasha Degmada Wadajir ee gobolka Benaadir waxaa la weydiiyey todobo Suโaal, waxa ay ka jawaabeen hal su’aal oo qura, waxaana ay iska qaldeen lix su’aal, sidoo kale ma aysan jirin wax ka faaโiideysi ah oo ay heleen, sidaa darteed wadarta guud ee dhibcaha tartameyaasha Degmada Wadajir ay heleen waxay noqoneysaaย Laboย (2) dhibcood.
Garbahaareey
Tartamayaasha Degmada Garbahaareey ee gobolka Gedo waxaa dhankooda la weydiiyay todobo suโaal, waxa ay ka jawaabeenย afarย suโaal, waxa ay iska qaldeenย saddexย suโaal,ย waxaana ay ka faaโiideysteenย halย suโaal oo soo hareer martay tartamayaasha Degmada Wadajir, waxaana wadarta guud ee dhibcaha ay heleen tartameyaasha degmada Garbahaareey ay noqotay toban dhibcood (10) dhibcood.
Tartamayaasha Degmadaย Garbahaareey ee gobolka Gedo ayaa caawa u soo gudbay wareegga saddexaad ee tartanka.
Hadaba Habeen dambe oo ah habeenka labaatanaad ee tartan cilmiyeedka Warbaahinta Qaranka hadii uu Alle idmo Barnaamijka waxaa ku tartami doona tartamayaasha Degmooyinka Shibis Vs Garoowe oo ka kala tirsan Gobollada Benaadir iyo Nugaal.
Sawir Qaade:- Axmed Nuuradiin
