Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisa saddexaad ee wareegga koowaad ku balansanaa Degmooyinka Jilib Vs Waaberi oo ka kala tirsan Gobollada Jubbada Dhexe iyo Banaadir, waxaana barnaamijka sanadkan taabagelinaya Bangiga IBS.
Yaxye Cali Faarax oo ka mid ah xubnaha guddiga tartanka oo furay barnaamijka ayaa u yeeray tartamayaasha labada degmo inay qadka ku jiraan iyo in kale, balse waxaa caawa soo xaadirtay oo kaliya tartamayaasha degmada Jilib, halka Waaberi ay soo xaadiri weysay.
Related posts
Yaxye ayaa Barnaasheegay in tartamayaasha Waaberi ay soo xaadiri weysay tartamayaasha Degmada Waaberi ee Gobolka Banaadir, sida sharciga tartanka qabo tartamayaashii soo xaadiri weysay tartanka waxaa laga qaadayaa dhibcaha.
Guddoomiyaha Tartan cilmiyeedka Warbaahinta Qaranka Maxamed Abuukar Axmed (Maโda) oo ka hadlayay sababta ay u soo xaadiri weysay Tartamayaasha Waaberi ayaa sheegay in sharciga u degsan tartanka uu dhigayo in degmadii soo xaadiri weysa waqtgiga loogu talaglay Barnaamijka, si toos ah dhibcaha looga wareejin doono.
โXoghayaha tartanka Cabaas Xaaji ayaa xaqiijiyay inaysan tartanka soo xaadiri doonin Waaberi, sidoo kale aniga ayaa la xiriiray, sida sharciga noo yaala, haddii la waayo mid ka mid ah tartamayaasha oo ay soo xaadiri waayaan, waxaan dhibcaha sida fudud ku siinaa kuwa soo xaadiray ee xaqqa u leh, caawana sidaas ayaan ku siinay tartamayaasha Jilib oo caawa si fudud ugu soo gudbay wareegga 2aad ee tartankaโ ayuu yiri Guddoomiyaha Guddiga tartan cilmiyeedka Warbaahinta Qaranka
Hadaba kulankii 3aad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay tartamayaasha degmada Jilib ee gobolka Gobolka Jubbada Dhexe, kuwaasi oo saddexda dhibcood ku helay si dhib laโaan ah.
Habeen dambe oo ah habeenka 4aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Dharkeynley iyo Marka oo ka kala tirsan Gobollada Banaadir iyo Shabeelaha Hoose.
