Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii todobaad ku tartamay tartameyaasha Degmooyinka Boosaaso VS Kaaraan oo ka kala tirsan Gobollada Bari iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Boosaaso VS Kaaraan ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suβaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Boosaaso
Tartameyaasha Degmada Boosaaso ee gobolka Bari waxaa la weydiiyey todobo Suβaal, waxaana ay si sax ah uga jawaabeen Labo suβaal, waxaana ay iska qaldeen shan suβaal, mana jirin wax ka faa’iideysi ah oo ay heleen, hadaba wadarta guud ee dhibcaha tartameyaasha Degmada Boosaaso ay heleen waxay noqoneysaa afar (4) dhibcood.
Kaaraan
Tartamayaasha Degmada Kaaraan ee gobolka Benaadir waxaa dhankooda la weydiiyay todobo suβaal, waxaana suβaalihii la weydiiyay ay si sax ah uga jawaabeen labo suβaal, waxaana ay iska qaldeen shan suβaal, waxa ay si ka faa’iideysi u heleen labo su’aal oo soo hareermartay tartamayaasha degmada Boosaaso ee gobolka Bari, waxaana wadarta guud ee dhibcaha tartameyaasha degmada Kaaraan ay noqotay sideed (8) dhibcood.
Tartamayaasha Degmada Kaaraan ee gobolka Benaadir ayaa caawa u soo gudbay wareegga labaad ee tartanka.
Hadaba Habeen dambe oo ah habeenka Sideedaad ee tartan cilmiyeedka Warbaahinta Qaranka hadii uu Alle idmo barnaamijka waxaa ku tartami doona tartamayaasha degmooyinka Dharkeynleey Vs Kismaayo oo ka kala tirsan Gobollada Benaadir iyo Jubbada Hoose.
