Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, isla markaana si toos ah looga daawanayo Telefishinka, halka dhageystayaasha ay kala socdaan Idaacadda, uuna taaba gelineyo Maamulka Gobolka Benaadir ayaa waxaa caawa tartan aad u xiiso badan ku dhexmaray degmooyinka Shibis Vs Kaxda oo ka wada tirsan Gobolka Benaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Guddoomiye ku-xigeenka tartanka Mustaf Maxamed Axmed Warcadeeye ayaa tartamayaasha degmada Shibis u jeediyay digniin ah inay ilaaliyaan sharuucda u degsan barnaamijka, oo ay codka kor u qaadaan.
Related posts
Sida uu xeerka tartanka qabo marka degmo walibo la weydiiyo min afar suโaal waxaa caawa dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Shibis iyo Kaxdaย iyo waxyaabaha ay caanka ku yihiin.
Natiijada tartankii dhexmaray caawa tartamayaasha degmooyinka Shibis iyo Kaxda waxey noqotay sidan:-
Shibis
Tartamayaasha Degmada Shibis sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Suโaal, waxaana suโaallihii la weydiiyey ay ka jawaabeenย Halย suโaal oo waxa ay iska qaldeenย lixย suโaal,ย mana jirin wax ka faaโiideysi ah oo ay heleen, waxayna wadarta guud ee dhibcaha tartamayaasha degmada Shibis ay heleen noqoneysaaย 2ย dhibcood (Labo dhibcood).
Kaxda
Tartamayaasha Degmada Kaxda waxaa iyana dhankooda la weydiiyey Todobo Suโaal,ย suโaallihii la weydiiyey waxay si sax ah uga jawaabeenย Saddexย suโaal, ย halka ay iska qaldeenย 4 uโaal, waxa ay si ka faaโiideysi ah u heleen hal suโaal oo soo hareer martay tartamayaasha degmada Shibis, waxaana wadarta guud ee tartamayaasha degmada Kaxda ka dhigeysaa inay heleenย 8ย dhibcood (Sideed dhibcood).
Hadaba kulankii 3aad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay tartamayaasha degmada Kaxda ee gobolka Banaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka afaraad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Wadajir iyo Dhuusamareeb oo ka kala tirsan Gobollada Benaadir iyo Galgaduud.
Halkan ka dhageyso
Sawir Qaade:- Farxaan Suleymaan Daahir
