Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii afar iyo labaatanaad oo ah wareegga saddexaad ku tartamay tartameyaasha Degmooyinka Shibis VS C/casiis oo ka wada tirsan Gobolka Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Shibis VS C/casiis ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suβaal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.
Related posts
Shibis
Tartameyaasha Degmada Shibis ee gobolka Benaadir waxaa la weydiiyey todobo Suβaal, waxa ay ka jawaabeen labo suβaal, waxaana ay iska qaldeen shan suβaal, waxa ay ka faa’iideysteen hal su’aal oo so hareer martay tartamayaasha Degmada C/casiis, sidaa darteed wadarta guud ee dhibcaha tartameyaasha Degmada Shibis ay heleen waxay noqoneysaa lix (6) dhibcood.
C/casiis
Tartamayaasha Degmada C/casiis ee gobolka Benaadir waxaa dhankooda la weydiiyay todobo suβaal, waxa ay ka jawaabeen labo suβaal, iyagoo iska qalday shan suβaal, maan jirin wax ka faa’iideysi ah oo ay heleen tartamayaasha Degmada C/casiis, sidaasi darteed wadarta guud ee dhibcaha ay heleen tartameyaasha degmada C/casiis ay noqotay afar (4) dhibcood.
Tartamayaasha Degmada Shibis ee Gobolka Benaadir ayaa caawa u soo gudbay wareegga afaraad ee tartanka.
Habeen dambe haddii uu Alle idmo waxaa ku tartamaya wareegga afar dhamaadka tartamaayasha degmooyinka Β Warta Nabadda iyo Kaaraan, ciddii badisa waxay u soo gudbi doontaa wareegga kama dambeysta ah ee tartanka.
